Рассказ на даргинском языке рашидат

Тема: Расул ХIямзатов – Дагъиста урши.

Дарсла мурад: Расул ХIямзатовла творчествола мягIна дурхIнази мурхьли аргъахъни; илала произведениебачи диги акIахъни; дурхIназир вегIла нешла мез руркъниличи, вегIла ВатIайчи, историяличи, гIядатуначи диги ва пахру адикьни; мухIлила ва белкIла гъай гьаладяхI ардукни.

Чебаъла ваяхI: поэтла дусми делкIунси плакат, ХIямзатовла сурат, илала жузала выставка, ИКТ,5 классла даргала литература, «Лачин» журнал( ХIямзатовлис хасбарибси номер).

Дарсла башри

Учитель: ИшбархIи октябрьла вецIну верхIра саби. Нушала дарган мезла

бучIнила дарс саби. Гьанна хIердизирая, дурхIни, ва лехIдизирая иш гIергъиси бутIаличи ва пикридухъеная, селичила гъайдикIехIел нуша ишбархIила дарсличир.

-Дила пикрили, Расул ХIямзатовличила.

— Бархьли саби, дарсла тема «Расул ХIямзатов – Дагъиста урши»

бикIуси саби.

Дарсла мурад: Расул ХIямзатовла творчествола мягIна дурхIнази мурхьли аргъахъни; илала произведениебачи диги акIахъни; дурхIназир вегIла нешла мез руркъниличи, вегIла ВатIайчи, историяличи, гIядатуначи диги ва пахру адикьни; мухIлила ва белкIла гъай гьаладяхI ардукни;

Учитель: Расул ХIямзатов, Дагъистайзивра ва нушала улкализивра ахIи, лебил дунъяличивра хабардерхурси ва урибси поэт сай. Расул ХIямзатов акIубси сай 1923 ибил дуслизив Хунзахъла районна ЦIада бикIуси шилизив.

Дудешли, лебил кIарахъазив ва Дагъистайзив машгьурси поэт ХIямзат ЦIадасали, илизир назмуртачи диги адикьур.

Расул ХIямзатов урчIемал дус сайри виубси, лукIес вехIихьибхIели.

1937 ибил дуслизив ил керхур Буйнакъскла педагогическое училищелизи. Училище таманбарибхIели, чарухъун сай акIубси шилизи ва бехIбихьудла классуназив учитель виубли узес вехIихьиб. КIиэсил дус, Хунзахълизи кIарахъала театр бакIибхIели, ил театрлизив артистли узес хьулухъун. Илкьяйда театрлизи вакIиб. ГIур ил узули калун режиссёрла кумекчи виубли. 1943 ибил дуслизив Расул калун журналист виубли, кIарахъала «Дагъиста большевик» бикIуси газетализив.

1945 ибил дуслизив Расул ХIямзатов керхур Москвализибси М. Горькийла уличилси литературный институтлизи. Институт белчIи чарухъи гIергъи, Р.ХIямзатов Дагъиста писательтала Союзла председатель виубли узес вехIихьибсири ва варсхIейубли илав узули калун.

Поэтла цаибил жуз дурабухъун 1943 ибил дуслизиб, фашизмаличилси» дергъ бегIла бемжурси замана. Ил жузла у сабри «ЦIакьти дигай ва буцIарси гьими». Ил жузлизирти назмуртазиб поэтли нушала ВатIайс балагьуни хибти фашист Германияла гIяскуртачи гьими чебаахъиб. Поэт пахручевли сай сунела дурхъаси ВатIайчи, ил дезна учIули сай ВатIанна асилдеш чихъли бихIути халкьлис. Поэтлис мурталра гьанбиркули саби халкьла талихI багьандан жан кьурбандарибти гIяхIгъубзни.

— Дубурла хIуркIбала чедир арцурти Чинарадти, чила сартирав, чIакни? Алхуйтири бахъал xIyшaлa уршби, Нушара илдала дуклумар уркIби.

Дугели гьарахълир хьанцIа заклизир
Алкунти зубарти, саррав чихъали?

Жагьти дубурланти алхунгу бахъал,
Нушара илдала умути хIулби,

Назмуличирад назмуличи Расул ХIямзатовла пикруми сагадикIули ва мурхьдикIули сари. Дахъал сари илала назмурти. ХIебургар тема, илини ахъхIебуцили калунси. Илди ургар лер дигайличила, тIабигIятличила, ВатIайчила, нешличила. БахъхIила тема саби «Неш». ВирхIейрар дейгIес чумли ва чум делкIунал жагати дугьбачил нешлис хасдарибти назмурти. М.Горький викIусири: «БерхIи хIебиалли, вавни хIедухъар, неш хIериалли, я поэт агара, я игит агара»,-или Р.ХIямзатовлира даргиб илис хасдарести, гьалар чилилра хIедаргиб дугьби. Илини ахъли бурули сай сунес анкъила бамсриагарси къараул, дунъяла дай, адамдешла ахъдеш, хIяяла умцла, сунела гьалар нуша мурталра чеблалиурси неш дебали дигниличила. Нешли ахIенну, неш ибси девлира уркIи шалабиру ва хъали ванабиру или. Ишкьяйда уркIи-уркIили разили вири Р.Х1. сунела нешличи.

ЧебяхIси ВатIайчила, вегIла улкаличи дигиличила бахъли делчIун хIябкубти. БекIлибиубсили бетарули саби ил тема Р.ХIямзатовлара.

Дила улка

Дунъяла дубуртазиб БегI ахъил хIяна хIурхъван, Улкназиб дила улка Мекелли декIарбулхъан. Ишаб, сецад бугIярси Яни гIяхIлад бакIалра, ВанадикIар гьарилла Хъулрира уркIурбира. СенкIун ВатIан гьанни саб, Гьарилла уркIила тимкь, ВатIан саб- къия халкьла Къайгъи халаси хъарихъ. Чевхъун душман – гъубзнала Гъуцазир даргиб ажал, ГьатIира хIядурли саб ХIяяагартас ханжал!… ХIера, ГIямру гIердуцес ЦIакьагариубси инсайс- Музабухъун пачалихъ, Пикри-кьасчерси нешван… Илгъуна саби бархбас Дила халкьла, улкала, Ил багьандан хала саб ТалихIра иш ванзала!

Художиикла саркъибси, бугаси xIep гIямрула лерилра шалубачи чебетиули саби. Расул ХIямзатовли халаси пай кабихьиб Дагъиста проза гьалабяхI абукнилизира. Илала «Дила Дагъистан» бикIуси жуз Дагъиста ва илала халкьанала кьисмат, история дурусли чедаахъибси, халаси пагьмуличил белкIунси произведение саби.

Лебилра дунъяла адамтачи дугьаилзни, декIар-декIарти халкьанала пикруми, кьасани дални, адамла хIурмат бирни, халкьличи диги, гьар халкьла кьисматуначила къайтъи дакIубарни — лерил илди черяхIти пикруми поэтла кадерхурли ишди назмуртази.

Дубурлан бухънабас

ХIербирули саб илди ахъ дубурла бекIличиб. МуртхIейчибад? Бурахъес кьадармабараб набчи,

Иш шалал дунъяличиб илдани чула намус Гьаб чебиу селрайчиб — бикьридеш дарес вирус.

Илдачил абзикирив? ДугIла жал саби хIела. ХIулби хIерван дарили, гьарилла багьа бала.

Бала бемжур дергълизив чидил кьукьмуцвиркурал. Бала чидил, лусенван, кьардхIевхъи ганзикIарал.

Сецадла гIямултачил ва чили бураллира, Къяна бусягIят бала — дугIла сари авара.

Илдазиб хIебургидра хIерзилра укдемдешла, Сабаб се сабил бала гьарилла дигIяндешла.

Дубуртази аркьясра, илад увяхIулхъасра, Илдас гьуни бирули, нуни бекI гIяшбурцисра.

Дубурлантазир илини ахъли кьиматла дирули сай гIяхIялдешдирни, ламус, сабур, хIяя, кумекбирни, бархьдеш ва цархIилти къиликъуни. Илдигъунти гIяхIгъубзназивад сайри Р.ХIямзатовра.

Дигалли дай дугели, Дигалли дай хIерели Хъа унзализи дила КьутI дирхъена гьархIели:… Гьункьяла кьутI — далай саб БегIлара ахIерси на6.

Илини дахъал жузи делкIун цаибси жузлис гIергъи, сарира бучIантани халаси дигиличил кьабулдарибти. «Ахъти зубарти», «Дусмала субхIян», «Къургъи», «Анкъилаб», «Дила Дагъистан», «Дубурланна ВатIан», «КIел кIана», «Дазу», «Зубари зубарличил гъайбикIули саби» ва дахъал цархIилти.

Расулли назму бучIули сай

Дагъиста литературализиб мягIничебси анцIбукьли бетаур 1937 ибил дуслизиб «Дубурлан рурси» бикIуси поэма дурабухъни. Ил поэма дубурлан рурси Асиятла кьисматличила хабар саби. Илизир гIямру рурхъули сари. Поэмализив автор нушала гIямрулизир диргаладулхъути, адамтала игъбарлис ва талихIлис кьяш гьала кайцIути секIайчира къаршили дураулхъули сай Поэтла пагьму вавалибяхънилис бикьридеш дирули сари ишди г1ергъити назмуртанира

МОЙ ВОЗРАСТ

Как в детстве я завидовал джигитам! Они скакали, к седлам прикипев, А ночью пели у окон закрытых, Лишая сна аульских королев.

Казались мне важнее всех событий Их скачки, походившие на бой. Мальчишка, умолял я: -«Погодите!» Кричал: «Возьмите к меня с собой!»

Клубилась пыль лихим парням вдогонку, Беспомощный, в своей большой беде Казался я обиженным орленком, До вечера оставленным в гнезде.

Как часто, глядя вдаль из-под ладони, Джигитов ждал я до заката дня. Мелькали месяцы, скакали кони, Пыль сединой ложилась на меня.

Коней седлают новые джигиты; А я, отяжелевший и седой, Опять кричу вдогонку: «Погодите!» Прошу: «Возьмите и меня с собой!»

Не ждут они и, дернув повод крепко. Вдаль улетают, не простясь со мной,

И остаюсь я на песке, как щепка, опрокинутая легкою волной.

Мне говорят: «Тебе ль скакать по склонам, Тебе ль ходить нехоженой тропой? Почтенный, сединою убеленный, Грей кости у огня и песни пой!»

О молодость, ужель была ты гостьей, И я, чудак, твой проворонил час? У очага пора ли греть мне кости, Ужели мой огонь уже погас?

Нет, я не стал бесчувственным и черствым, Пусть мне рукою не согнуть подков, Я запою, и королевам горским Не дам уснуть до третьих петухов.

Не все из смертных старятся, поверьте. Коль человек поэт, то у него Меж датами рождения и смерти Нет, кроме молодости, ничего.

Беем сущим поколениям ровесник, Поняв давно, что годы — не беда, Я буду юн, пока слагаю песни, Забыв про возраст раз и навсегда.

МЕНЯ ПРОСИЛИ

Меня просили верным быть горам, И где б я ни был, я следил за ними. Душа стремилась в горы, словно в храм, Где на скале я высек милой имя.

В те времена я часто был в пути, Я странствовал по джунглям и пустыням, Считая своим долгом привезти Оттуда песни, что пою доныне.

И, слушая мелодии мои,

Из странствий привезенные в подарок, На миг смолкали горные ручьи И голоса приветливых аварок.

Я песни эти подарил горам,

И видел, как они довольны даром.

А значит, по заморским городам

Я так подолгу странствовал недаром.

Меня просили, чтоб не забывал

Родной язык я вдалеке от дома,

И я хранил бесценные слова,

Как будто клад, средь речи незнакомой.

Мне нравились другие языки, Я вникнуть в их мелодию пытался. Но сердце изнывало от тоски,. Когда в чужой стране я оставался…

И вновь я возвращался в свой аул,

Твой блудный сын, твой мальчик непослушный,

И ты, как мать, меня не упрекнул,

Ни в чем, мой Дагестан великодушный!

ПАМЯТНИК

Я памятник себе воздвиг из песен – Он не высок тот камень на плато, Но если горный край мой не исчезнет, То не разрушит памятник никто.

Ни ветер, что в горах по-волчьи воет, Ни дождь, ни снег, ни августовский зной. При жизни горы были мне судьбою, Когда умру, я стану их судьбой.

Поддерживать огонь мой не устанут И в честь мою еще немало лет Младенцев нарекать горянки станут В надежде, что появится поэт.

И мое имя, как речную гальку, Не отшлифует времени поток. И со стихов моих не снимут кальку, Ведь тайна их останется меж строк.

Когда уйду от вас дорогой дальней В тот край, откуда возвращенья нет, То журавли, летящие печально, Напоминать вам будут обо мне.

Я разным был, к ах время было разным — Как угол: — острым, гладким — как овал…

И все же никогда холодный разум Огня души моей не затмевал.

Однажды мной зажженная лампада Еще согреет сердце не одно, И только упрекать меня не надо В том, что мне было свыше не дано.

Я в жизни не геройствовал лукаво, Но с подлостью я честно воевал И горской лирой мировую славу Аулу неизвестному снискал.

Пусть гордый финн не вспомнит мое имя, Не упомянет пусть меня калмык, Но горцы будут с песнями моими Веками жить, храня родной язык.

На карте, что поэзией зовется, Мой остров не исчезнет в грозной мгле. И будут петь меня, пока поется Хоть одному аварцу на земле.

ПАМЯТНИК

Нуни далуйтала тIашбатурра тах — Ахъси-декIар ахIен ил диркьбикличиб, Амма лебалцадхIи дубуртар улка ХIебелхъа чилилра памятник дила.

ХIебелхъахъа, бецIван авбикIул дягIли, Забли, я дяхIили, дуцIрумла жагъли, Пямрула кьисматли дири дубурти, Ну кьисмат ветарус илдас даимлис.

ХIебилшахъу нуни абикьурси цIа, Балас даршдусмазиб дила хIурматлис, Нешанани уршбас дила у бирхьу Поэт ветаахъес ибси кьасличил.

Дила у манзилла дуцIси варачай Я лугIянхIебиру хIеркIла къаркъаван, Дила назмуртала хIебиру къалип — Къяянала ургаб дигIяндеш кавлан.

Гьарахъли даимлис хIушачивадли ШалгIевухъунхIели ахиратлизи, Пашманни арцурти къургъала чIярли Набчила гьанбуршу гьаман хIушази.

Муртрил абалкунси девла чирагъли Ванадиру чумра адамла уркIби, Амма наб Аллагьли хIегибси пагьлис Набчи гIяйиббирес гIягIнили ахIен.

Игитла хIедарра гIямал-гьамайчил, ДяхI-дяхIли ургъаси усалдешличил, Машгьурбиахъубра лебил дунъялис Дила далуйтачил ну акIубси ши.

Хамси финни дила у хIебагьалра, Калмикли набчила гьанхIебушалра, Нешла мез дигути дубурлантани ХIердиру даимлис дила далуйти.

Поэзия лебси карта — бяхIлизиб Дила остров-гIямзи бетхIейхъур дугIли, Левли ца кIарахъан далайикIуси ДучIа ванзаличир дила далуйти.

Лер назмурти, чузиб нушани заманаличила, адамличила ХIямзатовла пикруми иргъути. Заманали черисули сари гьарсесекIал, сунени нушази камси заманалис гибти. Илини черасес бирхIебирар чIянкIли адамла гIяхIти баркьудлуми, илбагьандан адамли сунела гIямрулизир вирар дахъал гIяхIдешуни дарес адамтас багала диэсти, сунела ахърира цIакьра лерай. ХIера иличила саби иш гIергъиси назмура.

Стихи о времени

Сначала время благосклонно к нам И вместе с молодостью в изобилье Рукам дарует силу, свет — глазам, Уму дает мечту и сердцу — крылья. Оно нам зажигает свет зари, В весеннем небе зажигает звезды И каждому из нас твердит: «Твори! Дерзай, лети, ты для полета создан!» И мы творим, летим, но время вдруг То, что дало, казалось, безвозвратно, Как скаредный и вероломный друг, Все начинает брать у нас обратно. Все отнимает время, как назло, Все, чем горды мы были, — силу, память. И мы детьми становимся опять, Лишенные всего того, что было, И ничего не можем удержать Мы пальцами, теряющими силу. Любимая, поток бегущих дней Все заберет, и спорить с ним напрасно. Ему не тронуть лишь любви моей: Ни сам я, ни года над ней не властны.

Расулла назмурти ва поэмаби урус мезличи шурдатур Илья Сельвинскийли, Наум Гребневли, Яков Козловский, Юнна Морицли ва цархIилтани. 14)Сай ХIямзатовли кIарахъала мезличи шурдатур назмурти ва поэмаби Пушкинна, Лермонтовла, Некрасовла, Блокла, Маяковскийла, Есенинна ва цархIилтала. 15)Дахъал назмурти Расулла далуйтили детаур. Илдас макьамти делкIун Россияла. Кавказла, Дагъиста машгьурти композитортани. Илдазивад ца сай Ян Френкель.

Дунъяличиб бурибти далайчибани дучIутири ХIямзатовла далуйти. Илдазибад саби Муслим Магомаев, Марк Бернес ва Вахтанг Кикабидзе.17)

2003 дуслизив поэт 80 дус виънилис хасбарибси байрамличиб ВатIанна гьалар дахъал сархибдешуни багьандан Россияла президент Путинни орденничил шабагъатла варибсири.

Расул ХIямзатов лебил дунъяличив машгьуси виънилис бикьридеш дирули сари иш назмули (кIарахъан, дарган, урус, английский ва немецкий мезаначил)

КЪУРГЪИ

НабкIун гьанбиркули бирар, бургъанти — ХIила_авлахъкадли чархIебухъунти, КахIебихьун или иш ванзаличи, Шурбухъи саб или цIуба къургъачи.

Илди итхIейчибад гьанна, бикайчи Арцурли саби, жира бикIули. Илбагьандан заки хIердикIухIели, АхIенрара нуша децIлизир лехIли.

Лябкьян бархIи, нура хьанцI цIябдешлизив Урцусра къургъала хIенкьличил закив, Арцанван жиулхъас ванзаличирти Лерилра хIушачи, нуни датурти.

«Къургъи» бикIуси назму белкIниличила

Макьам пикрибарни

Ян Френкельли бурни хIясибли

«Къургъи» дарган мезли

Гьу, дурхIни ва гIяхIли, таманбарес дигулра гьанна ишбархIила гьунибаъни Р.ХIямзатовла «Наб дигулра» бикIуси назмула тугъачил

Наб дигулра

Наб дигулра разити, талихIчерти дурхIнала дукелцIили цахIнаб дунъя бицIили, Дарданала бурямла мякьи шикьхIедарибти ХIейрар гIямру марлира. Аммаки, гьалмагъуни, разидешлизир илди Хъумкартурли дигулра. Наб дигулра Дагъистайс сагати, саламатти Поэтуни акIубли, Илдала кухли набзи ванза зерзербирути Тупала хIергъахъули. Наб дигулра гъубзнала гьалмагъдеш цIакьдикIули, Бунагь- хIекь кIундацIили, Пигьлуми, урхьу шиван, хIунтIен держли дицIили, Далуйти зайдикIули.

Даргала литературала абхьибси дарс

«Даргала халкьла

хабурти»

5 Г класс

Мугlялим: Рабаданова Р.Г.

2013 дус

Дарсла мурад: Халкьла хабуртачи дурх1ни

тянишбарни ва илдала ха-

буртачила багьуди мурхьби-

ахъни ва кагахъни.

Дарсла башри:

1)Класс дарсличи х1ядурбарни

2) Муг1ялимла ихтилат

3) Суалтачил х1янчи

4) Бишт1аси хабар чебиахъни дурх1нани

Муг1ялим:

Хабар халкьла мух1лила пагьла ца жура саби.

Ил ак1убси саби адамтала аслу ак1ниличил барх.

Ил далай тях1ярли буч1уси ах1ен,буруси саби,или-

зиб сюжетра лебси саби.

Хабарлизир бек1 игитли халати гьунарти дирули сай.

Хабарлизиб т1абиг1ят камли чебиахъу,анц1букьлуми хъярхъли дашули сари.

Гьалар хабурти чилилра лук1ути дуили ах1ен.

Илди наслулизирад наслулизи дашули,дудешунани дурх1нази дурули,нушачи даибти сари.

Хабуртазир г1ядатли биубли,мискин халкьла кьиян-ти г1ямруличила ,бархьагардешличила зигаръала ,талих1черти г1ямруличи хьул ,ват1айчи диги чедаа-хъили дирар.

Хабар пулан адамла устадешлизибадра бахъал халкьла кумхаси пагьлулизибадра цалабиркули саби.

Илбагьандан ца хабарла дек1ар-дек1арти жураби дирар,амма хабарла бек1 мяг1на хьулчили биубси бух1набуц цаван кавлули бирар.

-Гьари дурх1ни гьанна ишгъуна суал

Сегъуна журала халкьла хабурти къаршидиркули дирара даргантала ургар?

Дурх1я: Нушаб къаршидиркули дирар миц1ирагличила,бек1ахъудила ва сих1рула.

Муг1ялим: Бархьли саби,имц1аливан илди журала хабурти сари даргала литературализир.

Хабуртала бег1лара дахъал лишанти сунези дух1надуцибти жура сих1рула саби.Ил журала хабуртала бут1акьянчиби жаниварти,арцанти,т1аби-г1ят,вагьиг бирар. Хабуртазир къаршидиркути миц1ираг,жаниварти адам кьяйда гъайдик1ар,

Халкьлис дигиаурти игитунас кумекли урдулхъули сари т1абиг1ятла анц1букьлуми.

-Се бик1уси илгъуна халкьла хабар белч1унра

дурх1ни нушани?

Дурх1я: Нушани илгъуна хабар белч1унра « Урхьула урчи» бик1уси

-Селизиб чебиулра нушани ил хабарла сих1ру?

Дурх1я: Ил хабарлизиб урчи гъайбик1ули саби,илини ца х1ули кьяп1барайчи х1яйна дунъя алавбирули саби.Ил урхьулизибад дурабулхъули саби.

Муг1ялим: Дашира гьанбиркахъух1е,гьат1и сегъуна бут1акьянчиби лебри ил хабарлизиб?

Дурх1я:Урши,илала дудеш,вайти ва ламартти узби,урхьула пачала рурсби.

Муг1ялим:Х1ебиалли,се багьурра нушани сих1рула хабуртачила?

Илди хабуртазир кадиркути анц1букьуни кьяналати диалра,х1якьикьатличир делшунти ва г1ямрула анц1букьуни хьулчилизи дуцили ак1убти диъни.

Даргала халкьла хабуртазир г1ях1цад мер бурцули саби миц1ирагличила хабуртани.

Сари ак1ни х1ясибли,миц1ирагличила хабурти жяв заманаличирадал адамтани г1яярличи башули яшав бирух1ели дак1удиубти сари.

Миц1ирагличила дурути халкьла хабуртазир халаси мер бурцули саби гурдачила,бец1личила ва царх1илти. Дахъалгъунти хабуртазир гурда г1ямултар саби, царх1илти жаниварти дирг1якадурган сабливан чебаахъили саби.

-Дашира гьанбиркхъех1е илгъуна халкьа хабар.

Дурх1я: Дуббуцибси гурда. Муг1ялим:Бархьли саби.

Сари ак1ни х1ясибли кьанни ак1убтази халдирути сари бек1ахъудила хабурти ва анекдотуни.Илди хабуртала игит нушала дарх г1ямру дурк1уси хъубзара,бук1ун,яра дубурлан хьунул адам сари.

Бек1ахъудила хабуртазир г1ях1цад мер бурцули саби сатирали ва масхарали.Дук1елц1иличидушили дирарадамла вайти хасиятуни:къяна бурни,хъулхъидеш ва ц.

-Сегъуна илгъуна халкьла хабар белч1унра?

Дурх1я:Даршал т1ерхьа.

Дурх1я: Рурсила г1якьлу.

Муг1ялим:Бархьли саби.

-Гьари чили буру сегъуна бут1акьянчиби лебри илаб?

Дурх1я:Талхъан,нукер,вазир.

Муг1ялим:Сегъуна мерличиб дукелц1иличиуршули мискин адамли вазир ?

Дурх1я:Илис давлала мерлаб даршал т1ерхьа диркахъни.

Муг1ялим:Бархьли саби.

Г1ях1си саби дурх1ни,ишбарх1и нушани дагьурра сегъуна журала халкьла хабурти дирарал,илдала бут1акьянчиби чихъали бирарал.

Гьандикахъира х1ушани делч1унти халкьла хабурти.

Нушала дарсла мурадичи нуша даира.

Гьанна дурх1нани чебиахъу ца халкьла хабар.

Ил сегъуна журала сабил пикридулхъух1е.

«Бяжук хухула бебк1а»

(халкьла хабар х1ясибли)

—Х1уни балк1а дагъа чебаибсив,хала неш?

—Балк1а дагъа?

—Бяжук Хухура чех1ераири?

—Гьанх1ебиркур,дила лачин.

—Илдачила чинад багьурри гьат1и х1уни?

—Гьа,х1у Балк1а Дагъалара Бяжук Хухулара хабарличила валанри?Хабарлизиб се-дигара биэс бирар.Дигалли-балк1а дагъа,дигалли ц1удара г1ярг1я.

—Бурис,бурис карик1ули,сен гьат1и х1убурулри хабар?

—Бурили биаб сабину,лех1ахъи иша.

«Лебри ,бик1ар,лебри,бик1ар,ца шилизиб ца Балк1а Дагъа.Гьачам илини кьасбарили саби шила дублабси шинкьала мякьлар х1еррируси Бяжук Хухула хивачи хъулкнад букьес. Батбихьили аркьух1ели,илис къаршибикили саби Хьанц1а Лагьа.

—Г1ях1 сяг1ят бираб,Балк1а!Арх1яличи хъярхъсигъунаригу?

—Бяжук Хухула хивачи хъулкнад аркьулра.

—Х1ебиалли,-нура х1ед гьалмагъ.

— -Х1езиб се гьунар леба?

—Бяжук Хуху сукъуррарес бирус.

—Баши,х1ебиалли,- или,дарх датдихьили аркьух1ели,илдас къаршибикили саби Х1ябмузан буреба.

—Г1ях1 сяг1ят бираб!Арх1яличи дерхурлираягу?

—Бяжук Хухула хивачи хъулкнад аркьулра.

—Х1ебиалли,-нура х1ушаб гьалмагъ.

—Х1езиб се гьунар леба?

—Бяжук Хухула кьяшмази ат1ес бирус.

—Х1ебиалли,баши нушачил,-или,дарх датдихьили аркьух1ели,илдас къаршибикили саби Дуруб.

—Г1ях1 сяг1ят бираб!Се кьаса?Сен гьалактира?

—Бяжук Хухула хивачи хъулкнад аркьулра.

—Х1ебиалли,-нура х1ушаб гьалмагъ.

—Хезиб се гьунар леба?

—Бяжук Хуху хъулирад дуг1аэс бирус.

—Х1ебиалли,баши х1ура нушачил.

Аркьули ца кьярдла кадаибх1ели,илдас къаршибикили саби Ц1удара Х1ункъа.

—Г1ях1 сяг1ят бираб!Селичи музадухъунтира?

—Бяжук Хухула хивачи хъулкнад аркьулра.

—Х1ебиалли,-нура х1ушаб гьалмагъ.

—Х1езиб се гьунар леба?

—Бяжук Хухула бек1 п1янч1аэс бирус.

—Х1ебиалли ,баши х1ура нушачил.

Шинкьала кадиух1ели ,илдас къаршибикили саби Вана Пяц1а.

Г1ях1 сяг1ят бираб!Кьанси арх1яличи дурадухъираягу?

—Бяжук Хухула хивачи хъулкнад аркьулра.

—Х1ебиалли,-нура х1ушаб гьалмагъ.

—Х1езиб се гьунар леба?

—Бяжук Хуху лигубала рясес бирус.

—Х1ебиалли,баши х1ура нушачил.

Дашули,дашули,илди Бяжук Хухула юртличи кадаиб.Х1еръалли,лип1-лип1- бик1уси шямла шалалиур»хах»или Хуху русули.

Дагъа хивачи бетухъун,бик1ар.Лагьа тарумла бух1набухъун,бик1ар.Буреба дабрила диг1янбикиб,бик1ар.Дуруб г1янайчи кабииб,бик1ар.Х1ункъа ченабурх1личи абац1иб,бик1ар.П1яц1а унабурх1личи ц1уц1бизур ,бик1ар.

Хивала вяхяръалали Бяжук чераргъахъили сари.»Се балагь саби гъари ишди вацнала-гьанк1ла т1яг1ям ахъес ралтули ах1енрагу!»или,аризурли,шямличи гъамриублигу,пялхъярбухъи Дагъани шям бишахъи саби.»Х1ерагу,сегшъуна дяг1 бухъил»или,ил алкес тарумличи г1яшриублигу,пялхъярбухъи Лагьани илала х1улби хясали диц1ахъили сари,сукъурдиахъубли сари.»Мерс далкьули дургар «или,дурарухъес дабри чегьурлигу кьурсъили ,кьяшлизи Буреба ат1и ,дянгрухъи,бурхлизи бек1 бяхъили ,ч1ябарличи карикили сари.Баркь буунси Бяжук Хухуни дурабях1 кьяш кай1илигу,Вана П1яц1аличи бархьбизурли,х1усрухъи карикили сари ва,лигубала рехъубли,ребк1или сари.

Бяжук Хухула хива диц1ибти хунжира сарра,Балк1а Дагъара,Хьанц1а Лагьара,Х1ябмузан Буребара,Дурубра,Ц1удара Х1ункъара,Вана П1яц1ара ,ца тугъ баррили ,»Бяжук Хухула ихаб хивала васият хеб»или,далайра белч1и,хъули датдихьиб бик1ар».

—Х1ера,илгъуна саби ил хабар,дила багьадур.

—Балк1а Дагъачи х1у дебали гьимрук1ирив,хала неш?

—Балк1а Дагъачи?Сен или вик1уда?

—Сенк1ун ил хъулкнад бякьунх1ели.Х1у ах1енрив хъулкнад ,вашни адамличи балх1ебикибси ,ц1ахси баркьуди саби рик1уси?.

—Сарри,дила дарман,сари.

—Сен Балк1а Дагъачи гьимх1ярук1ири гьат1и?

—Х1ерагу ца ,х1уни суал гайчи ну пикрилра х1ерухъунра.Г1е,хъулкнад вашни сеннира г1ях1си ах1ен.Амма ,дила х1улбала шала ,анц1букь,наб гьанаруливан,илизиб ах1ен.

—Г1ур селизиба ?

—Селизиб иша х1ези?Севан буралли г1ях1си ?Чичи хъулкнад бякьуна Балк1а Дагъа?

—Бяжук Хухучи.

—Х1ера,илизиб саби лебил анц1букьра.Х1ялалси,ях1-ламусла адамличи ах1енну илди хъулкнад бякьунти ,вайнукья бяжукличи,вагьиг Хухучи саби.Х1унира балуливан,дила духури,Бяжук ли цалра адамлис сегъуналра манзиллизиб сегъуналра г1ях1деш барибси ах1ен я бирх1ебиру.Сецад-дигара хиви яра царх1ил давла лерли хьалра,илди вацна дугули ва заяли аркьули хьалра ,Бяжукли цалра хив царх1иллис х1елуга.

—Аргъира,хала неш.Или биаб.Амма хиви диг1яллира буишину,Бяжук Хуху карушес селис г1яг1нилири?Х1у ах1енрив дунъяличиб селра имц1аси ,селисалра пайдаагарси лебси ах1ен рик1уси?Х1у ах1енрив миц1ир жан кабушни бунагьласи,адамличи лайикьагарси саби рик1уси?

—Сарри,дила мурад,сари.

—Бяжук сукъуррарибх1ели ,касили илала хивира,илди арбукьес биригу,х1ебирибу?

—Дила пикрили ,х1ебири.

—Сен?

—Сенк1ун,сукъурриубли хьалли,Бяжукли дебали г1ях1ил т1ама бикьусири.Т1амаличил илини някъ-хахамли дигалли Балк1а Дагъа,дигалли Хьанц1а Лагьа буцес ва г1яндбушес рири.Илини чичилра урк1ец1и х1ебири.Иличила балух1елиригу Балк1а Дагъара,Ц1удара Х1ункъара,Ванв П1яц1ара цадиубти,цадиубли иличи чедухъунти,чедидикибти,ва лебтасалра цуг –цугли хиви дут1ибти.

—Хала неш!Бяжук Хухучиб Балк1а Дагъа сабицун чедибикалра ,илини лерил хиви сунес кайси?

—Мяжяг1ят касиши.

—Сен?

—Сенк1ун Дагъа Бяжукван кьиркьир ах1ен.Гьанбиркуру ,шилизи вак1ибх1ели,х1у севан тамашаиубсирил;ризкьила кьякь баргибх1ели ,нушала дагъа ил бергес къалабах1ебик1ину кьуркь-кьуркь или,г1ярг1ни жидири…

—Нушала дагъала сабри илгъуна.Балк1ани ил х1ебири.

—Сен х1у иличи илцадра дебали гьимук1илри?

—Сенк1ун наб хъулкни х1ейгахъис.

—Хъулхъни х1ейгахъули ,Бяжук Хуху мяшт1рирули валанри?

—Ил карушили г1ергъи ,иличила хабурти чили лук1а?

—Гье,х1у г1ямрули велкъ!Эгер Бяжук Хуху дунъяличир цацун риалри,х1ябилра г1ях1ил бииши нушаб х1ердиэс…