Рассказ о себе на татарском языке

Таныш булыйк – бу мин!

Муллина Диана

Үзем турында

Минем исемем Муллина Диана Илнар кызы.

Мин 2004нче елның 18нче ноябрендә Түбән Кама шәһәрендә туганмын.

Мин нинди кыз?

Мин – яхшы күңелле, юмарт, кызык, акыллы, тәртипле, тәрбияле кыз.

Мин кайвакыт хәйләкәр була алам, кайвакыт ялкауланам.

Мин матур, сөйкемле, уртача буйлы, озын һәм калын чәчле, көрән күзле кыз.

Мин барлык кешеләрне кызганам, дусларыма ярдәм итәргә һәрвакыт әзер.

Миңа усал, начар, саран кешеләр ошамый, бары тик яхшы, тыныч кешеләр генә ошый.

Минем яраткан гаиләм

Минем әнием, Муллина Айгөл Рөстәм кызы, 33 нче мәктәптә укытучы булып эшли. Минем әни акыллы, чибәр, уңган хатын-кыз һәм яхшы укытучы. Аны укучылары бик яраталар!

Әтием, Муллин Илнар Миредиян улы, Түбән Кама шин заводында җиһазлар көйләүче булып эшли. Әтием көчле, тырыш, эшендә алыштыргысыз, абруйлы мастер!

Абыем, Муллин Динар Илнар улы 32нче гимназиянең 9нчы А сыйныфында укый. Ул спорт белән шөгыльләнә, яхшы укый.

Абыем белән бик горурланам!

Минем исемем

Диана исеме борынгы Рим вакытларыннан ук билгеле. Аның тәрҗемәсе – илаһи (божественная).

Римлылар Диана алиһәсен Ай белән чагыштырганнар, ә ул ау  химаячесе булган (покровительница охоты)

Борынгы фарсы телендә Диана исеме “сәламәтлек һәм игелек илчесе” дигәнне аңлата (посланник здоровья и благодеяния)

Мин нәрсәләр белән шөгыльләнәм

Мин И.Х. Садыков исемендәге балалар һәм яшьләр иҗаты сараена әдәби түгәрәккә һәм спорт – бал бию түгәрәгенә йөрим.

Буш вакытларымда оригами, рәсем ясарга, тегәргә, салатлар ясарга, төрле экспериментлар ясарга, биергә, җырларга, совет киноларын карарга яратам.

Киләчәктә кем булырга телим.

Минем хыялым — ветеринар булу!

Мин барлык җәнлекләрне яратам, кызганам, аларга ярдәм итәргә телим. Урамда йөргән песиләр, этләр яныннан битараф үтеп китә алмыйм, ашатам.

Барлык хуҗасыз калган хайваннарны үземә алыр идем!

Ветеринар булу өчен миңа бигрәк тә биология фәнен тырышып өйрәнергә кирәк!

Игътибарыгыз өчен рәхмәт!

Войти через Google

или

Запомнить меня

Забыли пароль?

Тәрҗемәи хәлем (автобиография)

Тәрҗемәи
хәлем (автобиография)
–
үз тормышыңның төп вакыйгалары турында
кыскача хроникаль белешмә рәвешендә
язу. Автобиографияне укырга кергәндә,
эшкә кабул иткәндә, хәрби хезмәткә
чакырылганда, бүләккә тәкъдим иткәндә
һ.б.ш. очракларда таләп итәләр. Автобиография
текстында түбәндәгеләр күрсәтелә:

• язган кешенең
  фамилиясе, исеме, әтисенең исеме;

• туган урыны, вакыты
  (ел, ай, көн);

• кайда укуы;

• хезмәт эшчәнлеге,
  хәзерге вакытта эшләгән урыны;

• башкарган җәмәгать
  эше;

• гаилә хәле турында
  мәгълүмат.

Автобиография
беренче зат исеменнән языла.

Тәрҗемәи хәлем Мин, Хәбибуллина Әлфирә Газиз кызы, 1992 нче елның 12 нче мартында Татарстан Республикасы Казан шәһәрендә туганмын. 1999 нче елда мин Казан шәһәрендәге 73 нче татар-рус мәктәбенең беренче сыйныфына укырга кердем. Хәзер 9 нчы сыйныфта укыйм. Мин әдәбият, тарих, математика фәннәрен яратам. Безнең мәктәптә төрле түгәрәкләр эшли. Мин “Оста куллар”, “Яшь хәбәрчеләр” түгәрәкләренә йөрим. Мин – гаиләбездәге дүрт баланың өченчесе. Әтием Газиз 26 нчы заводта эретеп ябыштыручы, ә әнием 5 нче фабрикада тегүче булып эшли. Олы абыем белән апам КДУда, ә энем 73 нче мәктәпнең 3 нче сыйныфында укый. 20 нче март, 2008 нче ел. Имзам: ________________

Раслама (расписка)

Раслама
(расписка)
– берәр нәрсә алганлыкны раслап имза
куелган рәсми язу, документ. Раслама,
гадәттә, акча, кыйммәтле әйберләр,
документлар алганда языла. Ул түбәндәге
өлешләрдән тора:

• раслама
  язучының исеме, әтисенең исеме, фамилиясе;

• әйбер алынырга
  тиешле оешманың атамасы яки кешенең
  исем-фамилиясе;

• алынган
  яисә алыначак әйбернең күләме, саны
  башта цифр, аннары җәяләр эченә сүзләр
  белән языла;

• нинди документ
  нигезендә алынуы күрсәтелә;

• алучының
  шәхси имзасы, раслама язылган көн, ел,
  вакыт күрсәтелә.

Раслама Мин, Әхмәтов Гомәр Заһит улы, Мөслим 2 нче урта гомуми белем бирү мәктәбенең 10 нчы А сыйныфы укучысы, мәктәпнең хуҗалык эшләре буенча диретор урынбасары Хәкимов Рөстәм Газиз улыннан Җиңү бәйрәменә багышланган концерт өчен 15 (унбиш) бию костюмы алдым. 2008 нче ел, 7 нче май. Имзам: ________________

Ышаныч кәгазе (доверенность)

Ышаныч кәгазе (доверенность)– бер
зат тарафыннан икенче затка өченче
затлар алдында вәкиллек итү өчен бирелә
торган язма вәкаләт.

Ышаныч кәгазенең гамәли чоры
3 елдан артык була алмый. Әгәр ышаныч
кәгазендә аның гамәли чоры күрсәтелмәгән
булса, ул язылган көннән алып бер ел
дәвамында көчендә кала. Язылган көне
күрсәтелмәгән документ гамәлгә яраксыз
дип санала.

Түбәндәге очракларда ышаныч кәгазенең
гамәлдә булуы туктатыла:

• гамәли чоры узгач;

• биргән зат аны юкка чыгарганда;

• биргән зат аннан баш тартканда;

• биргән юридик зат бетерелгәндә;

• бирелгән юридик зат бетерелгәндә;

• биргән граждан үлгәндә;

• бирелгән граждан үлгәндә.

Ышаныч кәгазе түбәндәге тәртиптә языла:

1. Документның исеме.

2. Ышаныч кәгазе
   бирүченең фамилиясе, исеме, әтисенең
   исеме.

3. Әйбер яки акча
   алыначак оешма яки кешенең исеме.

4. Алынган сумма яки
   әйбернең күләме (сумма башта саннар,
   аннан соң җәяләр эченлә сүзләр белән
   күрсәтелә).

5. Алучының имзасы.

6. Язылу вакыты.

7. Раслаучының
   имзасы, оешма мөһере.

Ышаныч кәгазе Мин, Баек урта мәктәбенең Х сыйныф укучысы Вилданов Айдар Илһам улы, 2008 нче елның июль аенда “Фордзон” ачык акционерлык җәмгыятендә эшләгән өчен тиешле 1675 (бер мең алты йөз җитмеш биш) сум акчаны алуны үзебезнең мәктәпнең Х сыйныф укучысы Гайсин Әнвәр Миркасыйм улына ышанып тапшырам. Имзам: ____________________ Вилданов Айдар Илһам улының имзасын раслыйм. М.у. Баек урта мәктәбе директоры: _________ М.Ф.Мусин

Соседние файлы в предмете [НЕСОРТИРОВАННОЕ]

• #
• #
• #
• #
• #
• #
• #
• #
• #

1 ответ:

Читайте также